Udes vodes oma uded TV-programmad
Täl vodel om vajehtanus aig, konz lähteba efiraha Karjalan teleprogrammad. ”Viestit Karjala”-programmas starinoitas jälgmäižiš uziš azjtegoiš, miččed tehtas karjalan, suomen da vepsän rahvahan kesken. Nügüd’ veresid vestid voib tedištada tožnargen da nellänz’päivän 9:00 - 9:30.
Tematižid ”Omin silmin”-programmid nügüd’ voib kacta tožnargen, koumanz’päivän, nellänz’päivän da pätničan 9:34-9:56. TV-radnikad napriba tehta da lahjoita kacujile melentartuižid, päivänteraližid da nügüd’aigaližid programmid.
— Mö varastam teiden melid, midä tö tahtoit nähtta neciš jügedas aigas, konz om vähän, kuna voib astta da vähän kenenke voib pagišta. Jägat meiden Omin silmin-programmanke! Mö vaumičem uzid teleprogrammid, sanui telekacujile Rahvahaližen TV-toimišton varapämez’ Ol’ga Ogneva.
