Petroskoin Tyttitaloih avattih alalline “Kalevalan” lagevol -ozuttelu. Sen luadijannu on Boris Kudr’avtsev.
Boris Kudr’avtsev valmistau tyttilöi da dekoratsieloi, pidäy ozutteluloi da yhtyy niilöih akt’ourannu. Uvven ozuttelun tytit da kompozitsiet kerrotah Kalevala-eeposan runoloin s’užietois.
– Ozuttihes, buite Sampo-melliččy rubieu uvvessah jauhomah, muamo kuulou kodvan vuotettavua hevozen kapsehtu, a Lemminkäine oppiu suaja sualehtu, kirjutti ozutteluh käynnyh Irina Rinkevič Kalevala open -projektan Vkontakte-sivul.