”100 sanad Karjalas”-stolvänd om jo pästtud eloho. Stolvändod oma karjalan, vepsän da suomen kelil. Nügüd’ kaik tahtnikad voiba väta niihe Karjalaižiden, vepsläižiden da suomalaižiden mediakeskses.
— Männudel vodel ”100 sanad Karjalas”-projektan aigan oli tehtud äi azjoid. Projektan satuseks tuliba interaktivine kalendar’ da stolvändod. Mö tegim stolvändod sen täht, miše abutada aigvoččile ristituile da lapsile opeta kelid da hüvin mänetada aigad, sanub projektan tegii Inna Nippolainen.
Uz’ stolvänd taričeb läz 9 vändoiden variantad: loto, memo, vändpöud da toižed. Vändon komplektaha mülüba vändpöud, laudaižed kuvidenke erazvuiččihe temoihe da instrukcii.
”100 sanad Karjalas”-projekt oli tehtud männudel vodel, mitte oli omištadud Karjalan valdkundan 100-voččen jubilejale. Projektan tegijad oma “Periodika”-paindišt da Karjalaižiden, vepsläižiden da suomalaižiden mediakeskuz.