Täššä kuukauvešša Karjalan kanšallisešša musejošša alko Kalevala-eepossan teemakuukauši. Eri-ikäset ihmiset: ylä- ta alaluokkalaiset, šekä aikuhiset voijah valita mukavua ajanviettuo, opašretkija tahi muasteri-oppija.
— Nuorempie koululaisie myö tuttavuššamma Kalevala-eepossan šankariloih, piemmä interaktiivistä pelie “Sampuo šuamašša”. Muasteri-opissa voipi luatie Kalevala-teeman poštikortin ta tuttavuštuo taiteilijih, kumpaset kuvittih “Kalevalua”. Niise musejošša aina toimiu Runojen ta bilinojen muailmašša -näyttely, kirjutettih musejon spesialistin nettišivulla ta Vkontakte-ryhmäššä.
Vanhemmilla koululaisilla oli valmissettu kakši uutta opašretkie: “ETNO-matkuštamini” ta “Sorša — hoikka olento”. Ne näytetäh karjalaista kulttuurie ta musiikkie šekä vesilinnun monivuotista hahmuo.
Kaikkih tilaisukših voipi kirjuttautuo musejon puhelimen kautti. Tällä netälillä 12. tuiskukuuta kello 15.00 ETNO-matkuštamiseh kučutah kaikkie halukkahie.