Tradicionaline “Karjalaine kruuga” -flešmob tehtas udes
Elokus Karjalas mäneb tradicionaline flešmob – “Karjalaine kruuga”. Flešmoban päsijad oma Petroskoiš da Kostomukšas, mugažo kruuga tehtas toižiš valdkundan rajonoiš. Neciš tedotadas Karjalan rahvahaližen da regionaližen politikan ministerstvan VKontakte-gruppas.
– Karjalaine kruuga ei ole vaiše karg. Se om uskondan, sebruden da meiden armastusen Karjalaha simvol! Kruugaks ei tarbiž nikut vaumištadas, tärktad oma vaiše teiden taht da hüvä mel’, sanutas Karjalan rahvahaližen da regionaližen politikan ministerstvan VKontakte-gruppas.
Kostomukšas kruuga mäneb 3. elokud 14:30 keskuzavoirdal, a Petroskoiš – 9. elokud 12:00 Änižen randirdal Leninan prospektan rindal.
Ühtneda “Karjalaine kruuga” -flešmobaha voib Mujezeskijan, Lahdenpohjan da Kemin municipaližiš rajonoiš, Olonecan da Kalevalan rahvahaližiš municipaližiš rajonoiš, mugažo Kostamukšan, Pit’krandan da Segežan municipaližiš ümbruzkundiš.
Ližatedoid kruugan sijas da aigas voib sada Karjalan rahvahaližen da regionaližen politikan ministerstvan VKontakte-gruppas.
Uzišt neciš temas voib lugeda mugažo venäks.
