Toizele ilmale siirdyi lyydiläine Natalja Kruglova
Kentjärves elänyh lyydiläine kieliaktivistu Natalja Kruglova 42 vuvven ijäs siirdyi toizele ilmale.
Natalja Kruglova kuului Karjalazien X kerähmön vallittuloin nevvostoh, aktiivizesti yhtyi kaikkih karjalazien da suomelas-ugrilazien pidoloih.
— Vaste ei ammui pagizimmo Nataljan kel, šeikuičimmo pluanoin tuliekse aigua. Se on ylen suuri menetys kaikele karjalazien liikkehele, sanoi Oma Mediale Inga Gurilova, karjalazien X kerähmön vallittuloin nevvoston piälikkö.
Natalja Igorevna Kruglova opasti karjalan kielen lyydin murrehtu Kentjärven školas. Nataljan juuret oldih Kondupohjan piirin Haldjärven kyläspäi da karjalan kielen tulii oza huolestutti händy.
Kentjärveläzet lapset Nataljan piän al opastuttih lyydih, ajeltih kieliluageriloih, kerättih ozutusvehkehii lyydiläzien pertih, kudai ruadau Kentjärven kylähaldivon tilois da kuduan hommai Natalja.
Natalja Kruglova pannah muan Kentjärves 17. sulakuudu.
