Toižen kerdan Kvarcitnii-küläs mäneb vepsän kul’turan festival’
Kvarcitnii-küläs mäneb vepsän kul’turan festival’ “Vepsän rahvahan tradicijoiden mödhe”. Se tehtas Kvarcitnii-küläs 16. uhokud. Ezmäižen kerdan mugoine festival’ mäni 2022. vodel.
Festivalin päidejan om vepsläižiden küliden tradicijoiden kaičend. Praznikal voib nägištada tradicionaližid sädoid, kulištada vepsän paginad, ühtneda vepsläižihe vändoihe da erazvuiččihe mastar’-klassoihe.
— Täl vodel festivalil ezineba Vepsän rahvahan hor, “Veslaižed” -fol’kloransambl’, lapsiden kollektivad Šokšun, Šoutjärven da Kalagen školišpäi, “Randaine” -ansambl’. Sid’ mö kaik keradamoiš, kuti üks’ sur’ pereh, da jom čajud tradicionaližidenke vepsläižidenke kalitkoidenke, starinoičeb Šokšun kul’turpertin pämez’ Tatjana Gofman.
Šokšun kul’turpert’ om-ki “Vepsän rahvahan tradicijoiden mödhe” -festivalin tegii. Abutab sille “Vepsän kul’tursebr”. Tegijoiden planoiš om vedäda necidä festivalid Kvarcitnijas kerdan kahtes vodes.
