Tiedofourumu: Karjalan histourii piäpaginakse
Petroskoin valdivonyliopistos 12.—14. tuhukuudu piettih Histouriellizen muston rajat -tiedofourumu. Kolme päiviä peräkkäi yliopistoh kerävyi rahvastu mustelemah meijän muan histouriedu da pagizemah sih nähte.
— Tiedofourumu oli mieldykiinnittäi. Oli mieleh nähtä ei vaigu studentoi, ga kuulužii tiedomiehii. Olen hyväs mieles, gu meijän sektsii yhtisti samanmielizii ristikanzoi eri yliopistolois da tiedolaitoksispäi, sanoi Oma Mediale Jekaterina Golubnik, Itämerensuomalazen filolougien sektsien ozanottai.
Fouruman ohjelmah kuului yhtehine kerähmö, ezitelmät sektsielois da ruado-pajat. Ozanottajua tuli Ven’an eri paikoispäi. Erähät piettih paginua internetan kauti online-muvvos. Petroskoin gostil oli mahto kävvä Karjalan Kanzallizeh da Petroskoin valdivonyliopiston muzeiloih.
Sen ližäkse fouruman aigah oli pietty uvven Meijän alovehen hiistourii -opastuskniigan prezentatsii.
Tapahtuman piätavoittehennu oli sanella Karjalan muan histouries da sen tärgies sijas kogo mualman histouries.
Yhty Oman Median kanualah Telegramas!
