Tervehys rattahil: abuu loittozien kylien eläjile
Tazavallan loittozien čuppuloin eläjät nygöi voijah suaha hyvii tervehyönhoijon palveluloi. Liikkujii paranduskompleksoi puaksuh ajelutetah kylih tarkastamah voimattomien tervehytty. Se andau mahton kylien eläjile pidiä huoldu omas tervehyös.
Tänäpäi Karjalas ruadau 23 liikkujua paranduskompleksua. Niilöin luvus on fl’uorografat, mammografat, feršalin da hammasdouhturiloin punktat. Tehniekku andau mahton palvella ristittyzii da pidiä liäkärin tarkastuksii kaikis ruado-ololois. Mulloi liäkärit ajeltih kylih 1411 kerdua.
— Se andoi vallan ei vaigu avvuttua ristikanzoi, kudamat eletäh loitton rajonoin bol’ničoispäi, ga pidiägi rahvahien keskes suojeluhoidoloi, sanoi Karjalan tazavallan tervehyönhoijon ministru Mihail Ohlopkov Karjalan piämiehen lehtistöpalvelule.
Liikkujien fl’uorografoin avul tarkastettih ryndähien tervehytty 16 019 ristikanzal, hammasdouhturit autettih 1910 voimattomale. Sih kaččomattah kaikis enämbän ajelutettih feršalin punktua: sen vuoh avutettih ristikanzoi 956 kerdua. Liikkujan liečetiijon kehittämine jatkuu tazavallas Karjalan piämiehen käskys.
Yhty Oman Median kanualah MAX:as!
