Karjalan, vepsän da suomen keliden tedajiden konkurs vedetihe jo 5. kerdan da sihe ühtni 152 mest. ”Vepsän kelen da kul’turan tedai” – nominacijaha ühtni 15 mest. Ühtnikoiden kekses oliba Karjalan školiden da universitetan openikad,opendajad da kel’aktivistad.
Konkursan küzeluhu mülüi 20 küzundad. Ne koskiba vepsläižiden kul’turad, literaturad da etnografijad.
Jogahižes nominacijas valitihe üht vägestajad. ”Vepsän kelen da kul’turan tedai”-nominacijaha vägesti petroskoilaine Irina Popova. Ližaprizad Kodima-lehtesen toimištolpäi saba Ol’ga Hramcova Petroskoišpäi da Maria Mironova Kalagespäi.
Vägestajiden pauklahjoičend mäneb 9. keväz’kud 16:00 Karjalaižiden, vepsläižiden da suomalaižiden mediakeskuses. Ozatelem vägestajid!
”Karjalan kelen da kul’turan tedai”-nominacijan satusiš lugegat tägä.
”Suomen kelen da kul’turan tedai”-nominacijan satusiš lugegat tägä.