Teatraline Laboratorii tuleb Petroskoihe
Teatraline Laboratorii mäneb täl vodel Karjalan pälidnas, Petroskoiš, 26. elokud – 2. sügüz’kud. Sen aigan pidetas jogapäiväižed treningad. Kahten teatran — Karjalan Rahvahaližen da Al’metjevskan tatarilaižen dramatižen teatran — akt’orad ühtneškaba nellän spektakl’an eskizoiden sädamižehe.
— Minä ühtnen Laboratorijaha jo toižen kerdan. Laboratorijan ohjandai Oleg Loevskii om lujas melentartuine ristit. Hän äi vozid radab Venäman erazvuiččiš lidnoiš. Mö tundištimoiš hänenke läz Pskovad koume vot tagaze. Nece oli tarbhaine mahtišt minun täht. Siloi nel’l’ teatrad tegiba erazvuiččid ozutelusid Aleksandr Puškinan ”Boris Godunovale”, sanub Karjalan Rahvahaližen teatran artist Nikita Anisimov.
Laboratorijan tegijad oma Valdkundaline Rahvazkundoiden teatr, Venäman kul’turan ministerstv da ”Teatraližed iniciativad”- Jevgenii Mironovan Hüväntegii fond.
Mugoižiden Laboratorijoiden pätegend om nügüdläižen dramaturgijan popul’arizoitamine, mugazo ned abutaba Venäman erazvuiččiden lidnoiden teatroile kucta ičheze enamba norištod, tehta uzid radkosketusid, sada uzid mahtištoid.
Kirjutadas ozutelusiden eskizoiden kacundoile voib Karjalan Rahvahaližen teatran gruppas Vkontakte.
