Taitomusejon näyttelyh lisätäh ainutluatusie ikonija
Vuotena 2026 Karjalan taitomusejon ainaseh näyttelyh lisätäh ainutluatusie vanhauškosie ikonija ta pohjosen mualauštaijon meštaritevokšie. Näyttelyn uuvvistamini on šijotettu Karjalaisien rissinnän 800-vuotisjuhlah. Šiitä ilmotetah alovehellisen Sampo TV 360˚-kanavan saitilla.
Karjalan taitomusejošša on Luoteis-Venäjän parahie kokomukšie ikonimualaukšista. Karjalaisien rissinnän 800-vuotisjuhlan kynnykšellä laitoš julkaisi 1400—1800-luvun ikonien katalogin.
— Katalogih on kerätty tiijot 385 restauroitušta ikonista. Täh aikah še on täysimpie ta tärkempie katalogija, kumpaset košetah Karjalašta löyvettyjä ikonija, šano Sampo TV 360˚-kanavalla musejon muinaisvenäjän taijon kokomukšen šäilyttäjä Alla Mel’nikova.
Taitomusejon uuvvissettu näyttely avautuu vuuvven 2026 šajekuušša.
Karjala aktiivisešti valmistautuu merkkipäivän viettämiseh alovehen piämiehen Artur Parfenčikovin joholla. Tašavallašša valmissetah kulttuuri, opaššuš- ta šivissyštapahtumie. Tilaisukšie järješšetäh yhteistyöššä federalisen keškukšen kera. Karjalaisien rissinnän 800-vuotisjuhlua vietetäh vuotena 2027 Vladimir Putinin käšyn mukah.
Yhty Oman Median Telegram-kanalah!
