Taidomuzeih vuotetah lapsii da nuorii
Karjalan tazavallan taidomuzeih avavui lapsien kul’tuuruopastuskeskus. Enzimäzet harjaitukset da taidoprogrammat algavutah kezäkuus. Uuzi keskus on nygyaigaine tila lapsien da nuorien taijollizen da intellektuallizen kehityksen hyväkse.
— Nuorile on luajittu mugažat tilat taidoruadoh, yhtesolendah da omien projektoin todevuttamizeh niškoi, ilmoittau Karjalan haldivo omassah saital.
Keskus on luajittu kanzallizen Pereh-projektan puittehis. Projektan varoih on ostettu laittehisto opastus- da taidoprogrammoih nähte: foto- da videotehniekky, laittehisto animatsieh nähte, kannettavat tiedokonehet da toizet pättävät vehkehet. Keskukses jo ruatah kolme piäsuundua: animatsiistuudii, taidostuudii, kuduas luajitah komiksoi, da fotostuudii.
Aihies voit lugie vepsäkse da suomekse.
Yhty Oman Median kanualah MAX:as!
