Suomes ezitettih karjalan kielen kannatusprogrammu
Suomes ezitettih karjalan kielen kannatusprogrammu. Dokumentas on 23 ruadokeinuo, kudamien vuoh huavatah kannattua karjalan kielen säilyttämisty, lujoittua sen tilua yhtesikunnas, andau tieduo Suomen kodimualazien kielien keskus.
— Toizih kielih verraten karjalan kieli ei ole kiitettäväs tilas: Suomes sil ei ole virrallistu stuatussua, kudaman perustehel vois kehittiä tarvittavii kannatuskeinoloi, sanoi projektan koordinuattoru Niko Tynnyrinen Päivännouzupuolen yliopiston lehtistöpalvelule.
Programmas on kačottu kannatuskeinuo opastamizen da kehittämizen alal, kielen käyttämizes yhteiskunnas, sego virrallizen stuatusan puoles.
Suomen kodimualazien kielen keskuksen tiedoloin mugah Suomes karjalakse joga päiviä pagizou lähes 5 000 hengie. Korgiel tazol sidä maltau lähes 11 000 hengie.
Programman kogonaine tekstu lugiettavannu suomen kielel täs.
