“Suomelas-ugrilaine tranzittu” sai allun tänäpäi, 25. syvyskuudu, Tverin alovehel. Festivualih tverinkarjalazien gostih tulou heimovellie Karjalas da Leningruadan alovehelpäi, rahvastu Baskortostuanaspäi. Sen jälles festivuali siirdyy Tverinkarjalan piälinnah – Lihoslavl’ah.
Tverin rahvahallizien neroloin talois 25. syvyskuudu festivualin gostile saneltah tverinkarjalazien kul’tuuras da tverinkarjalazien kanzallizen kul’tuuruavtonoumien aktivistois.
Festivualin toizennu piän Proletarka-kul’tuurudvorčas 15.00 aigah pietäh konsertu “Rahvahalline muuzikku da soittimet: aijan soitto”. Sit samas kohtas jubieu ruadamahgi jarmanku, kus suau ostua neroniekoin luajilmuksii da opastuo erähih neroloih.
Festivualin päivinny 25.-27. syvyskuudu tverin mual pietäh kaikenmoizet ekskursiet festivualin gostih niškoi, press-konferensie, a paikallizile školaniekoile da yliopistoloin opastujile ozutetah entogruafizii fil’moi. Ielleh tämän vuvven “Suomelas-ugrilaine tranzittu” otetah vastah R’azanin, Voulogdan sa Nizegorodskoin alovehel.