Kevätkuun 18. päivänny algavui kolmas etuappu programmua, kudaman mugah matkustajile annetah järilleh matkusteluh Ven’al piettylöin den’goin vuitti. Tämän vuvven ollus Martsial’noit viet -sanatourii rubei kuulumah kašbekoin andajien luvetteloh.
Muga kai Ven’an eläjät, kudamat lähtietäh huogavumah libo parandamah omua tervehytty Martsial’noih 18. kevätkuudu – 15. kezäkuudu 2021, suajah järilleh 20 prosentua matkan hinnas. Sih niškoi pidäy maksua Mir-kortil matkulistu kogonah parandolan. Enne matkan ostamistu pidäy registriiruija oma Mir-kartu Mir-lojalizes programmas. Ližiä tieduo saital.
– Minä piäzin parandolan saitale, dai kerras jiävih viesti: Sua kešbek joga varatus matkas Mir-kortale. Parandolu ei ole huovis, sendäh nämä 20 prosentua ollah suuret den’gat eläkkeheläzeh niškoi, kirjutti “Oman Muan” toimitukseh petroskoilaine Tatjana.