Sordavalan Vereja-joukko valmisti uvven pajon
Sordavalan Vereja-pajojouko valmisti uvven videon pajoh ”Vo subbotu”. Video on luajittu Aijai, sorja -projektan mugah Rosmolodežin kannatuksel.
— Projektu kesti mennyön vuvven elokuus algajen da tämän vuvven oraskuuh suate. Sen tuloksennu rodieu pajoal’boumu da video pajoh ”Vo subbotu”, sanoi Vereja-pajojoukon johtai Margarita Berežnaja.
Vereja-naispajojoukko omassah taijos yhtistäy perindölöi da niilöin nygyaigastu nägyö. ”Vereja” luadiu vahnoin pajoloin nygyaigazii aranžirovkoi, valmistau erinomazii konsertuprogrammoi, kudamien vuoh kerdou perindöllizes kul’tuuras.
Uvves pajoal’bomas on oniegantagastu, puudogan da inkeroizien pajuo, sego karjalankielisty pajuo livvin murdehel.
— Kai pajot ollah nuorien rakkahuos, tuskis da hyvis mielis. Pajoloi kirjutimmo kogonazet kolme päiviä — huondekses ildassah, andau tieduo ”Vereja” omassah VK-sivul.
”Verejan” al’boumu ”Soitua Maa” piäzi Ven’an folklouran da etnizen muuzikan čartan Russian World Music Chart 2024 parahien kymmenikköh.
Aihies voit lugie vepsäkse da ven'aksegi.
