Sordavala: ”Piipun pihas” pietäh ”Karjalastu šipainiekkua”
Ruskeala-kivipuusto, Piipun piha -hoteli da ”Kolmas” valmistetah perindöllisty Karjalaine šipainiekku -festivualii 14. kezäkuudu. Pivon valmistajat vuotetah kaikkii Sordavalan linnah ”Piipun pihah” 14.00 čuasun aigah.
— Äijän kuulin festivualih nähte, ga ni kerdua en olluh sie. Tänä vuon vältämättäh kävymmö sinne kogo perehel, sanoi Oma Mediale Natalja Lazan.
Pidoh tulluzii gostitetah päčis pastettuloil näppipiirualoil. Suau oppie perindöllizii — kartohkan da brosan kel, dai piiraidu uuttu maguu. Paiči sidä festivualin valmistajat varustetah mieldykiinittäjii ruado-pajoi, kilboi eri-igähizile. Pivos suau kuulta ”eläviä” muuzikkua.
Piduo varustetah Piipun piha -hotelin muatilois adresil: Sordavala, Promišlennaja-uuličču, 44. Piäzy pidoh on ilmaine.
