Sordavala: histourii kiändyy
Jatkutah ruavot Sordavalan linnan histouriellizen ulgonävön kiänyttämizekse. Kohendetah kahtu linnan objektua. Vuvvennu 1931 nostettu Vaalijala-bol’ničču oli ylen huonos kunnos. Nygöi uuzi omistai pidäy avaarienvastazii ruadoloi da konserviiruiččou rakendustu. Samal aigua luajitah rakenduksen kohendamizen projektua. Tuliekse sinne sijoitetah nygyaigaine sanatourii-hotellikompleksu.
— Vuvvennu 1900 nostetun da vuvvennu 1998 kogonah palanuon Ladoga-lehten toimituksen rakenduksen kohendamine on loppiettu. Sen histourielline ulgonägö on ”elavutettu” arhiivan piirustuksien, kuvien da toizien dokumentoin mugah, kerdou Karjalan tazavallan piämies Artur Parfenčikov omassah VK-sivul.
Parkovaja-uuličal sijoitunnuoh Gospitalih niškoi valmistetah dokumentoi torguloin piendäh, on ostajua, kuduat tahtottas luadie endizes talois nygyaigaine objektu. Endine piivuzavodu da tulipalodepo sežo ollah silmäl, Karjalan tazavallan piämies käski lähi aigua sellittiä kai riijat omistajien keskes.
— Nygöi myö hyvin eistyimmö edeh sit ruavos, kuduan alloimmo sentämän vuvven tagaperin Sordavalale endisty ulgonägyö andajes, sanoi Karjalan tzavallan piämies Artur Parfenčikov.
Sordavalan haldivo da biznessu yhtes ečitäh keinoloi, kui panna kundoh vahnan linnan histouriellizet rakendukset da säilyttiä net tuliekse aigua.
