Solomannin škola avavui kohenduksen jälles
Solomannin ainavon vuvvennu 1966 nostetun školan n:u 7 rakendus enzi kerdua on kohendettu perustehellizesti.
— Kanzallizen Nuorižo da lapset -projektan mugah kohendimmo opastuslaitoksen: on uvvistettu ulgoseinät da levo, vaihtettu sähkösistiemu, azetettu nygyaigazet turvalližus- da videotarkastuksen sistiemat, kirjutti omassah VK-sivul Petroskoin linnan piälikkö Inna Kolihmatova.
Paiči remontua opastuslaitokseh on ostettu uvvet pertilomut da laittehet, uvvistettu tuuletussistiemu.
Erikseh Inna Kolihmatova kiitti školaniekoin vahnembii, kudamien silmäl al piettih kohendusruadoloi, heijän kehoituksii otettih huomivoh remontua pidäjes.
Kohendusruavot algavuttih 1. oraskuudu 2025. Sit aijas algajen remontan loppiendassah lapset opastuttih loittuopäi, heile piettih nevvonduharjaituksii Solomannin kirjastos da kul’tuurutalois.
F’odor Timoskazen nimelline škola avavui remontan jälles 5. kylmykuudu. Sen kunnivokse opastuslaitokses piettih pruazniekallizet avajazet da enzimästy kerdua soitti školakelloine da kučui urokoile 400 opastujua.
Yhty Oman Median kanualah Telegramas!
