Siämärven rikkahas histouries ruvetah pagizemah Jessoilas
Syvyskuun 25. päivänny Priäžän piirin Jessoilan kylän kirjastos pietäh seminuaru “Siämärven lugemizet — Siämärvi: histourii, eloksentaba, kul’tuuru”.
Siämärves lugemizet -tiedo-praktiekallizes seminuaras eri aloin tiedäjät, Kielen, literatuuran da histourien instituutan tutkijat da Kižin muzein ruadajat ruvetah pagizemah Siämärven čupun histouries, kieles, kul’tuuras da arhitektuuras. Seminuaran programmah kuuluu ekskursii Rubčoin kyliä myöte.
— Seminuarah kučummo kaikkii, kedä kiinnostetah Siämärven čupun kul’tuuru da histourii, sanou seminuaran vedäi, Meijän Kodi -liittoh kuului, Kielen, literatuuran da histourien instituutan ruadai Tatjana Vasiljeva.
Seminuaru algavuu Jessoilan kirjastos adresil Jesspoilu, Okt’abrskaja piha, 11a 10.30 aigah.
Seminuaru pietäh Meijän Kodi -liitto da Ven’an tiedoakadeemien Karjalan tiedokeskuksen Kielen, literatuuran da histourien instituuttu Ven’an prezidentan grantufondan kannatuksel.
