Saneluz kodikelel: akcijaha ühtneb enamba 1 200 mest
“Saneluz karjalan da vepsän kelil” -akcii tehtas kaikuččen voden. Se omištadud Karjalan da vepsän kirjutezkelen päiväle. Akcijaha ühtneba ristitud Karjalan erazvuiččiš tahoišpäi. Tämbei sanelusen kirjutiba Petroskoin eläjad. Sijaks sanelusen kirjutamižen täht oli valitud Petroskoin valdkundaline universitet.
— Karjalan da vepsän kirjutezkeled oma nored, no nene keled oma vanhad. Hüvä om, miše ned kehitoitasoiš: meil paindas lehtesed, kirjad karjalan da vepsän kelil. Nügüd’ mugažo nene keled kehitotoittas Internetas-ki — om sätud Jandeks-kändajad, RUWIKI-tedoinciklopedijad, sanui ičeze ezituses Karjalan rahvahaližen da regionaližen politikan ministr Sergei Kisel’ov.
Petroskoiš sanelusen vepsän kelel kirjuti 11 mest. Nene oma radnikad, pensiimehed, universitetan da školan openikad. Päliči nedališ kaik akcijan ühtnikad voiba tedištada ičeze satusiš. Kaikuččele anttas sertifikat.
