Sanelu karjalan da vepsän kielel: aihiekse on otettu Voiton 80-vuozipäivy
Aksiedu ”Sanelu karjalan da vepsän kielel” pietäh perindöllizesti joga vuottu sulakuun aigah. Se on omistettu Karjalan da vepsän kirjukielen päiväle.
Saneluloin tekstat tänä vuon on omistettu tärgiele merkipäiväle — Ižänmuallizes voinas voiton 80-vuozipäiväle.
Sanelu roih pandu rattahile 21. sulakuudu Petroskoin valdivonyliopiston kirjaston seinis. Vuvvennu 2025 sanelun piälimäzenny luadijannu on Karjalan Rahvahan Liitto Kanzallizen da alovehellizen poliitiekan ministerstvan kannatuksel.
Piduo valmistetah Karjalan tazavallan piämiehen grantufondan tuvel.
— Moizet pivot kiinitetäh rahvahan mieldy karjalan da vepsän kieleh, sen opastamizeh da kehittämizeh. Mostu saneluu kirjuttajes omua kielineruo voijah tarkastua netgi rahvas, ket opastutah kielikursiloil, sanoi Oma Mediale Valentina Mironova, Karjalan Rahvahan Liiton haldivoh kuului.
Tänä vuon saneluu suau kirjuttua sulakuun 21. päiväs algajen sulakuun 27. päiväh suate 73 tilas karjalan kaikis piirilöis da alovehis, sego Tverin, Leningruadan, Voulogdan da Murmanskan alovehis.
Ližätieduo saneluh nähte täs.
