Sanele omas kyläs da sen eläjis
Vepsän kul’tursebr -liitto yhtes Kodima-lehten kannatuksel ilmoitti kilvan “Minun kylä” (0+). Alovehienvälizeh kilbah vuotetah kirjutuksii vepsäläzis da karjalazis kylis da niilöin eläjis vepsän, karjalan da ven’an kielel.
Kilbah voijah yhtyö lapset, školaniekat, ruavahat da eläkkeheläzet Karjalas, Leningruadan da Voulogdan alovehilpäi. Kilbah otetah kerdomuksii Minun kylä -tiemah vepsän, karjalan da ven’an kielel. Kirjutukseh niškoi pidäy olla kylän libo kylän eläjän fotokuvagi.
— Kirjuttua voibi vepsäläzien da karjalazien kylien ozas, histouries, kylän eläjis, mustomerkilöis, toizin sanoin hos mih nähte, mi on kiini konkrettizen kylän elaijas. Parahat kilburuavot roitah painettu Kodima-lehteh, sanou “Kodiman” piätoimittai Irina Sotnikova.
Ku fotokuvas ollou ristikanzu, sit kilburuavon ližäkse pidäy työndiägi hänen käil ualekirjutettu luvanannandu kuvan painettavakse.
Kilburuavot otetah vastah syvyskuun 15. päivässäh 2025. Kilbah ilmoitukset da kilburuavot otetah vastah sähköpoštale merkinke “Na konkurs”.
Kilbah ilmoitus voibi löydiä Vepsän kul’tursebran VK-sivul.
Aihies voit lugie vepsäkse da ven'aksegi.
