Sandalan kivie vietäh Volgogruadah
Sandalan kivi -laitos algoi valmistua omii tuottehii Volgogruadah työndämizekse. Meijän kiven vuoh ruvetah kohendamah Lapsien kruugu -fontuanua. Jo on valmistettu työttäväkse 80 tonnua luonnonkivie.
Volgogruadan keskučas vokzualan tyves lagevol olii vahnu fontuanu ”Lapsien kruugu” jo riičittih. Terväh se azetetah endizeh kohtah uvvistetunnu. Fontuanan kuppi da keskipačas luajitah karjalan luonnon kives, kuduadu valmistau Sandalan kivi -laitos, Karjalan eräs suurimii kivijalosuslaitoksii. Projektah niškoi pidäy 65 tonnua poliruittuu tuottehtu da 15 tonnua piällystyskivie.
— Volgogruadan alovehen haldivon tiedoloin mugah ruavot loppietah sygyzyl 2026. Uvvistetun lagevon avajazet pietäh Linnanpäivänny, ilmoittau Karjalan piämiehen lehtistöpalvelu.
Karjalan tazavallan tevolližuon kehityksen fondu vaste ei ammui on piättänyh, ku rubieu kannattamah Sandalan kivi -laitostu, kudai todevuttau luonnonkiven jalostuksen täytty tsiklua: kivilöin piluandu, jalostus, polirovku da tuottehien valmistandu.
Yhty Oman Median kanualah MAX:as!
