Ruskei neilikku: Karjalan abu veteruanoile
Karjalan tazavaldu yhtyy kogo Ven’an Ruskei neilikku -aktsieh. Se algavuu 10. sulakuudu da kestäy kezäkuun 22. päiväh suate. Jogahine Karjalan eläi voibi luadie oma panos veteruanoin abuh.
Aktsieh yhtyjes pidäy suaja Ruskei neilikku -rynnäsmerki suuris verkolaukois, niidy ruvetah jagamah Voiton volont’ourat -liikkeheh kuulujat. Volont’ouroil piäl roitah sovat, kudamis on Ruskei neilikku -projektan merkit. Heil keral roitah vakat, kudamih kerätäh lahjoituksii. Suaja Ruskei neilikku -projektan rynnäsmerki voibi suajagi Počta Rossii-ozastolois, suuris marketplace:s, Ven’an ruadutien junis.
— Kai mustolahjois suavut varat ottau vastah hyvyönluadii fondu ”Sugupolvien musto”, ielleh net työtäh rohtoloin, reabilitatsiikeinoloin ostamizeh, veteruanoile leikkavuksien pidämizeh da äijäh toizeh. Karjalas Sugupolvien musto -fondaspäi on suannuh abuu 267 veteruanua da kaksi laitostu summah 24 miljounua rubl’ua, ilmoittau Karjalan piämiehen lehtistöpalvelu.
Sugupolvien musto -fondu on ainavo Ven’al fondu, kudai livuttau uuttu hyvyönluajindan perindyö — kohtinastu abuu — veteruanoile Ven’al kaikel alovehel vuvves 2015 algajen. Täkse päiviä fondu andoi abuu enämbäle migu 20 tuhandele veteruanale da 144 meedikku- da sotsioalan laitoksele.
Aihies voit lugie vepsäksegi.
Yhty Oman Median kanualah MAX:as!
