“Ruskeala” -mramorkanjonan maket ozutase ”Venäma” -keskusen ozutelusel
“Venäma” -rahvahaližes keskuses linneb “Ruskeala” -mramorkanjonan maket. Se pandas udehe “Matkad Venämadme” -galerejas, kus adivod voiba sada tedoid turizman polhe Venämal.
— Nece ozuteluz om meiden man polhe, sen eläjiden polhe, sen tulijan aigan polhe. Mö kucum kaikid nägištada, kulištada-ki, rižada Venämad, avaita se udes polespäi, starinoiči “Respublika” -tedotuzagentstvale “Venäma”- rahvahaližen keskusen pämez’ Natalja Virtuozova.
Öbokan federaližen okrugan sekcijaha pandas “Ruskeala” -mramorkanjonan maket, sille azotadas kivikal’l’oiden da järven dekoracijad. “Vedele” pandas todesine piano, a pidust’ kanjonad — puine sild.
Adivod časus voiba nägištada meiden man kaikiden federaližiden okrugoiden tärktembid melentartuižid sijoid. Udištadud ozuteluz vasttab ezmäižid adivoid keväz’kus.
Uzišt neciš temas voib lugeda mugažo suomeks.
