Ruatuttajat vuotetah ruadajii
Kogo Ven’an ruatuttajien kyzelyh yhtynyzien lugu kazvoi mennyöh vuodeh verraten. Karjalas enämbi 1800 alovehen laitostu jo saneltih omis ongelmis — ruadajien vähyös — federuallizen tutkimuksen hantuzis. Kyzely, kudaman tavoittehennu on tutkie ruadomarkinoi, loppehes 1. kezäkuudu.
Mennyöh vuodeh verraten tutkimukseh yhtynyzien lugu kazvoi — täl kerdua sih yhtyi 800 ruatuttajua. Tutkimus koskou monii laitoksii. Sen tulokset vaikutetah opastundan kehityksen pluanah.
— Tänäpäi tevolližuslaitokset enämbäl toizii tarvitah uuzii ruadajii. Nengoine ongelmu ongi opastus- da tervehyshoijonlaitoksil. Kyzyttävimii ammattiloi ollah inženierat, buuhgalterit, šouferit, ekonomistat, opastajat, liäkärit, raudusepät, sanoi Ruavon haldivon piälikkö Jelena Frolova.
Kyzelyy pietäh Ven’an prezidentan käskys. Talvikuus kyzelyn tuloksien pohjal luajitah 7-vuodehine ruadopluanu. Ennepäi suaduloin tiedoloin mugah tazavaldah tarvitah 43 tuhattu uuttu ruadajua. Enne piettylöin kyzelylöin tuloksii huomivoh otettuu avattih uvvet opastuskursit koulledžas.
Täyttiä kyzelylistu voibi täs. Enämbän tiijustua programmah nähte voibi tel. 8 (8142) 559-309.
Aihies voit lugie suomeksegi.
Yhty Oman Median kanualah MAX:as!
