Tuulini ta kylmä šiä ei šeisottan innokkahie kalaštajie, yhekšän joukkuo tuli onkittamah Kuitin jiällä. Kalaššukšen jälkeh rannalla oli järješšetty huvitušohjelma ta keitetty kalakeitto lohešta, mujehešta, matikašta ta hauvista.
– Kilpailujen voittajakši piäsi Kalevala-joukko – kalaštajat šuatih 3,390 kiluo kalua. Toisella paikalla oli Kuitin pojat -joukko ta kolmannella Kuznečiki-joukko. Šuurin kala šuatih niise kalaštajat Kalevala-joukošta, še oli 23,5-šenttini ahven. Pienin kala puuttu Kos’ak-joukon kalaštajilla, še oli vain 5,5 šenttie pitkä, ilmotettih kilpailun arvoštelijat, Koštamukšen luonnonpuiston spesialistit Pavel Garmujev ta V’ačeslav Guščin.
Joka kalaštaja šai lahjan, a voittajat šuatih arvokkahie lahjoja tapahtuman partn’oriloilta.