Riäpöin festivualih tuaste kerävyy ongittajua
Perindölline Riäpöin festivuali pietäh Ylä-Kuitin rannoil Vuokkiniemen kyläs 11.—12. ligakuudu. Nelläh vaihieh jagavujah kilbah vuotetah kahten ongittajan joukkoloi — vähimite 15.
— Pruazniekas jogahine löydäy midägi mieldy myöte. Ruadopajois suau opastuo karjalan kieleh, luadie vara virtytykses, oppie kuduo pienil ”kangaspuuloil”, luadie perindölline karjalaine taloi kostruktoran vuoh da äijy midä muudu mieleh painujua, sanoi Oma Mediale Sreda-keskuksen piälikkö Ol’ga Šakleina.
Festivualii valmistau Kostamuksen Sreda-keskus. Piduo kannatetah Severstal’-kompuanii da Kala- ja marjapojat.
Voittai suau kalaluottimen. Toizele sijale piässyh suau spinningan, kolman sijan suannuh — kalastuskelan.
Pivon programmas on ekskursii Vuokkiniemen kyliä myöte, Ončintermäh käyndy, perindöllizien kalasyömizien valmistamine.
Festivualilazii veseldyttäy pajoloil petroskoilaine Skylark.
Aihies voit lugie suomeksegi.
