“Region-2030”: pagin Karjalan Pämehenke
29. vilukud 11:00 časud mäneb “Region-2030”-Internet-ozutand, miččel ezineb Artur Parfenčikov, miš tedotadas “Rossija” -rahvahaližen keskusen Telegram-kanalas.
Ozutandan aigan Karjalan Valdkundan Pämez’ starinoičeb kacujile regionan infrastrukturan kehitoituses, a mugažo siš, kut todenzoittas suren rahoitusen projektad. Karjalan valdmehed napriba tehta ristituiden elod parembaks: saudas lapsiden tandrehid, kohetas školid i läžundkodid — siš kaikes linneb pagin.
Erilišt homaičust Artur Parfenčikov andab tärktale aigtegole: tulijal vodel täudub 800 vot siš aigaspäi, konz karjalaižid tehtihe ortodoksižikš. Valdkundan lidnoiš planuitas tehta äi azjtegoid da čomid praznikoid.
“Region-2030”-ozutandad voib kacta 29. vilukud 11:00 časud “Rossija” -rahvahaližen keskusen oficialižel Internet-lehtpolel.
Tarkištele "Oma Median" Telegram-kanalad!
