Rastavan jarmanku pietäh Petroskois
Petroskoin keskilinnua pruazniekoin aigah pietäh perindölline Rastavan jarmanku.
— Kučummo tuottehien valmistajii yhtymäh Rastavan jarmankah, kuduan perindön mugah hommuau Petroskoin linnanalovehen haldivo. Jarmanku pietäh Kirovan lagevol 27. talvikuudu — 7. pakkaskuudu, ilmoittau mua- da kalatalovusministerstvu omassah VK-sivul.
Enzi kerdua jarmanku rodieu luajittu 200 nellikkömetrin suurel lämmitettäväl alovehel levon al, sie rodieu 20 myöndykohtua. Jarmankah voibi yhtyö ihan ilmai, maksua myöndykohtis ei pie.
Suuren čomendetun kuuzen da karuselliloin rinnal suau ostua paikallizien tuottehien valmistajien tavarua, neroniekoin luajilmustu Uvven vuvven da Rastavan lahjakse.
Aihies voit lugie suomeksegi.
Yhty Oman Median kanualah Telegramas!
