Rahvahidenkeskeine žurnalistikan škol kucub opendusele Karjalan norištod
Rahvahidenkeskeine žurnalistikan škol valičeb konkursan abul kundlijoid, kudambad voiba ühtneda opendushe. Opendusel linneb kaks’ modul’ad: federaline da regionaline. Opendusen aigan školan ühtnikad saba tarbhaižid tedoid rahvahidenkeskeižes žurnalistikas.
Urokad mäneba vaiše erasiš regionoiš, kus openikoid linneb enamba kaikid, toižiden regionoiden kundlijoile voib ühtneda opendushe online-formatas.
— Männuziden voziden kaikid aktivižembad ühtnikad oliba Piterišpäi, Arhangel’skan da Pskovan agjoišpäi. Sigä mäniba urokad. Karjala täl vodel voib ühtneda opendushe online-formatas. Kaikil ühtnikoil om ühtejiččid voimusid opendusen aigan. Kaikid aktivižembad openikad voiba ühtneda federaližehe etapha, mitte mäneb Moskvas, sanub projektan kurator Vera Čereneva.
Projekt radab 2010. vodelpäi i ühtenzoitab norid mehid 13—20 vodehesai Venäman erazvuiččiš regionoišpäi.
Urokad oma maksutomad. Kursiden lopus kaik ühtnikad saba sertifikatad openduses.
Ližatedoid projektas da sihe ühtnendas voib sada tägä.
Uzištoid neciš temas voib lugeda mugažo karjalaks.
