Rahvahaližiden praznikoiden aig vepsän mal jatktase
08.07.2023
Lebupäivil Änižröunan Šokš- da Šoutjärv-küliš mäneba külälaižed vepsän kul’turan tradicionaližed praznikad.
”Pühä päiväine”-praznikal 2022. Kuva: Irina Sotnikova
Heinkun 8. päiväl Änižröunan Šoutjärves mäneb jo koumanz’kümnenz’kudenz’ tradicionaline ”Elonpu”-vepsän kul’turan praznik. Praznikan adivoid varastaba teatrozutelused, rahvahaližiden sebroiden ezitused, sportvoibuid da melentartuine programm kanzoiden täht.
— Praznikan aigan radaškandeb karjalaižiden mastariden käzitöiden da eloradoiden ozuteluz, mäneba mastar’-klassad. Adivoil linneb voimuz mujada rahvahališt sömišt da huzaita heboil, sanuba praznikan tegijad Karjalan rahvahaližiden kul’turiden keskusespäi.
Nenil-žo lebupäivil 9. heinkud Šokšus mäneb külän ”Pühä päiväine”-praznik, kus ezitaškaba vepsläižed pajosebrad. Praznikal mäneškab vastoiden konkurs. Molembad azjtegod zavodiše 12. časud.
ПОХОЖИЕ НОВОСТИ
