Kanman Ut vot Karjalan pälidnas avaižihe sur’ Raštvoiden jarmark. Sil om ezitadud parahimad Karjalan mahtajiden töd: mastariden käzitöd, sädod, kalud tohespäi i nahkaspäi da eskai čomad modmaskad da kirjad.
—Jarmarkal voib ostta ”Periodika”-paindišton kirjoid-ki. Meiden stol seižub läz čomad fotosijad, kus kaikutte tahtnik voib tehta fotokuvad. Tulgat, ostkat kirjad lahjaks Udeks vodeks, sanub Natalja Denisova, Karjalaižiden, vepsläižiden da suomalaižiden mediakeskusen radnik.
Raštvoiden jarmark om tehtud ”Petrovskii”-keskuses (Andropovan ird, 1). Se radab 20. - 27. tal’vkud v. 2020 (10.00-20.00). Ken ei ehtind mända jarmarkale täl vodel, se zavodib völ rata 4.- 6. vilukud v. 2021.
Jarmarkan tegii om Karjalan valdkundan Rahvahan sädandradon keskuz.