Pyörät vejellä -festivali kuččuu ošallistujie
Elokuun 9. päivänä Koštamukšen piirin Ponkalahen kyläššä vietetäh Pyörät vejellä -festivali. Kešäpruasniekan otanta on jo avattu.
— Joka ošallistujan pitäy työntyä oma anomuš! Äšen još lähettä lapšien kera, olkua hyvä, täyttäkkyä anomuš jokahisella henkellä erikseh. Še on tarvittava, jotta myö laškisma ruuvvan miäryä kaikilla vierahilla, ta ymmärtäsimä kuin monta venehtä tarvičemma, šelitetäh festivalin järještäjät.
Pruasniekka antau alkuperäistä ilmapiirie, elävyä musiikkie ta käsitöitä, uuhhua nuotivolla, heinäčäijyö ta karjalaista pakinua. Šamoin tänä vuotena enši kertua järješšetäh vesiehätyš festivalin uuteh paikkah.
Rekisteröinnän viimeni päivä on 7. elokuuta 2026. Halukkahat šuahah ilmottautuo linkillä.
Yhty Oman Median MAX-kanalah!
