Priäžän piiri: moniluaduzii tiepalveluloi
Vuvvennu 2026 Priäžän lohkol ruvetah todevuttamah suurdu projektua Karjalan kehityskorporatsien tuvel. Sen mugah ruvetah luadimah nygyaigastu moliluadustu tiepalvelualovehtu.
Uuzi objektu nostetah Priäžän kyläh Sovetskaja-pihale. Nygöi toimijan autoloin huoldoazeman tyveh luajitah azetuskohtu kymmenele autokoile, kafee, lapsien elostuskohtu, valattimet da käymälät. Paiči sidä samas kohtas rodieu sähköautoloin täyttymysstansii.
— Myö tahtommo, ku matkustelijat ei vaigu täytetty omii autoloi, ga voidas huogavuo, syvvä da varavottah sijoittua autokodi yökse. Ielleh myö tahtozimmo käyttiä sidä kogemustu federuallizen tien toizisgi kohtis, sanoi Al’fa-Biznes-laitoksen piämies Aleksei Visotskii Karjalan piämiehen lehtistöpalvelule.
Nygyaigaine moliluaduine tiepalvelualoveh avatah vuvvennu 2027. Sen nostamizeh käytetäh 31, 8 miljounua rubl’ua.
Paiči sidä Al’fa-Biznes kaččou luadie Karjalah enämbän 20 nygyaigastu autohuoldoazemua. Sih menetetäh 600 miljounua rubl’ua, rodieu 73 uuttu ruadokohtua. Uvvet objektat luajitah Petroskoih, Onieganrannikon, Kondupohjan, Anuksen, Puudogan, Suojärven, Sordavalan da Pitkänrannan piirilöih.
Yhty Oman Median kanualah MAX:as!
