Priäžän etnokeskus: runokilbah yhtyjien lugu kazvau
Priäžän etnokeskuksen rattahile pandu Karel’skije pomoči -projektu suau vauhtie. Projektan mugah on pietty alguajien runoilijoin kilbu. Se piettih Nuožarven školan opastajan Aleksandr Bugmirinan kunnivokse.
— Aleksandr Pavlovič kirjutti runoloi omas kyläs, lapsis, rakkahuos. Hänen kuoltuu pereh rubei pidämäh kilbua hänen mustokse. Voittajat suadih pienet palkindot. Sidä kilbua pidiä omahizile autoi Nuožarven kylän kirjasto. Joga vuottu kilbah yhtyi ainos vai enämbi rahvastu, heijän runonero kazvoi. On ylen tärgei säilyttiä hyvä perindö da löydiä kilvan pidäjile abuniekkua da kannattajua tuliekse aigua, sanoi Oma Mediale Tatjana Seppänen, Priäžän etnokeskuksen piälikkö.
Projekan todevuttajien mieles Bugmirinan nimelline runokilbu andau mahton lahjakkahile runoniekoin da kirjuttajile ozuttua omua neruo, kyläle — Lujoittua piirin kirjalližuskeskuksen stuatussua.
Priäžäs piettyh kunokilbah yhtyi 17 runoniekkua Vieljärvel, Matrosan kyläs, Pyhärvel, Jessoilas, Nuožarves, Petroskois, kostamukses, suojärvel da kentjärvelpäi.
Voittajakse piäzi l’udmila mehed, toizele sijale puutui as’a suvorova da kolmanden sijan juattih keskenäh ol’eg obnosov da vasilii griškin.
Arvostajinnu oldih karjalan kirjuttajien liiton piälikkö jelena pietiläinen, liittolaine ol’eg mošnikov da irina veleslavova.
Karel’skije pomoči -projektua todevutetah Kul’tuurualguhpanoloin fondan kannatuksel.
