Prezidentoin grantufondu: Karjalan tazavaldu on voittajien joukos
Prezidentoin grantufondu ilmoitti omassah kilvan tulokset. Karjalan tazavallan pakičus voitti alovehellizien pakičuksien joukos da on suannuh 17,7 miljounua rubl’ua. Sen ližäkse tazavallan b’udžietas tänä vuon nämmih tarkoituksih on kačottu andua 16 miljounua rubl’ua.
— Kogonaine sunnu, kuduan myö annammo yhteiskunnallizien liittoloin kannattamizekse rodieu 33,7 miljounua rubl’ua, kirjutti Karjalan piämies Artur Parfenčikov omassah VK-sivul.
Sen ližäkse Karjalan 10 yhteiskunnallistu yhtevysty suajah den´guabuu prezidentan grantufondaspäi — 41,3 miljuonua rubl’ua. Omil projektoil hyö kannatetah perehii, kudamis on lastu kehityserinomažuksien kel, erillizeh voinuoperatsieh yhtynyzien perehii da toizii.
Sanommo, Arina Tubisan nimelline gondu tahtou yhtistiä Tazapaino: postural´noi menedžmentu perehih -projektas spetsialistoi, lapsien vahnembii da yhteiskunnallizih liittoloih kuulujii. Yhtes hyö luajitah kannatussistiemu perehih nähte, kudamis on lastu vagavien liikunduvoimattomuksien kel. Projektas moizien lapsien vahnembii ruvetah opastamah, nevvomah online-muvvosgi. Moine kogemus Karjalas tazavallas rodieu enzimäine.
Aihies voit lugie suomeksegi.
Yhty Oman Median kanualah Telegramas!
