Poltoainehii vuotetah muijalpäi
Valdivovallat šeikuittih kyzymysty, kudai koskou benzinän vähytty. Kaikis enin vuitti kyzymysty tulou Suojärven eläjilpäi.
— On sovittu, ku poltoainehtu tuvvah toizel alovehelpäi Suojärven mollembile zapravkoile, ilmoitti Karjalan tevolližuon da torrun ministru Svetlana Astahova omassah VK-sivul.
Ministran sanoin mugah tilandeh Louhen, Kalevalan da Suojärven piirilöis on silmän al. Louhen da Kalevelan piirilöis poltoainehii täydyy. Suojärven piiris täl aigua poltoainehii suajah vaigu valdivolaitokset. Vuotetah, ku ližiä poltoainehtu tulou nouzien nedälin loppuh suate.
Karjalas endizelleh jatkau ruavon operatiivine štuabu, kudai sellittäy tazavallan poltoainehien kyllyön kyzymyksii. Sen spetsialistat joga päiviä pietäh silmäl poltoainehien hindoi da niilöin jiännyksii zapravkoil.
Aihies voit lugie suomeksegi.
Yhty Oman Median kanualah MAX:as!
