Pikajuna yhistäy Petroskoi Sortavalan kera uuvvenvuuvvenlomalla
Täštä päiväštä alkuan pikajunat Petroskoista Sortavalah ruvetah kulkomah joka päivä uuvvenvuuvvenloman loppuh šuaten.
Petroskoista Sortavalah ta Ruskeala-vuarapuistoh šuau piäššä šuoralla Orlan-pikajunalla. Enšimmäini reissu oli tänäpiänä, viimeini on 9. pakkaiskuuta.
Junan kahešša vaunušša šuau matkuštua 130 ihmistä. Koko matka keštäy noin kuuši tuntie.
- Tämä matka on oikein tärkie Luatokan pohjoisrannikolla turismin kehittämisellä. Šekä Sortavalan piirin eläjillä on hyvä, jotta vielä yksi juna yhistäy piirie Karjalan piäkaupunkih – korošti Karjalan piämieš Artur Parfenčikov.
Uuvvenvuuvvenlomalla tämä reissu on oikein šuosittu. Ruskeala-vuoripuiston ašemalla lisäjunua varoin rakennettih vielä yksi laituri.
Venäjän rautatiet -yhtijön johtaja ta Karjalan piämieš šanottih, jotta valmissetah uušie turismireissuja. Kešällä ”Orlanit” jatkutah kulkie Ruskealah ta vielä yhissetäh Sortavala Lodeinoje pole-ašeman kera
