Karjalan kielen nedälin järjestäy Karjalan karjalazien, vepsäläzien da suomelazien kieliresursukeskus.
– Karjalan kielen nedälin enimät pivot piemmö online. Nedälih yhtyy Petroskoin da Karjalan toizien čuppuloin kymmeniene laitostu, sanoi kieliresursukeskuksen ruadai Natalja Denisova.
Kalevalan etnokul’tuurizes talois pietäh karjalazii kižoi da buoluhutun valmistamizen ruadopaja. Karjalan kanzallizes arhiivas pietäh videoluvendo, kus kerrotah ruadolois yhtehizen karjalan kielen luadimizekse 1930-luvul. Karjalan kanzallizen muzein ruadajat ozutetah video karjalazeh pruazniekkuruuttah niškoi. Kielen, literatuuran da histourien instituutan ruadajat pietäh audioluvendot karjalazis da karjalan kielen murdehis. Nedälih yhtynyöt laitokset sijoitetah luvendot da toizet materjualat omile internet-sivuloile.
Karjalan kielen nedälin programmu voibi kaččuo Kieliresursukeskuksen internetsivul.
Kylmykuun 16.–22. päivinny pietäh vepsän kielen nedäli.