Petrovskii hor praznuiči ičeze jubilejad
Petrovskii hor om sündnu vodel 1936 Spasskaja Guba-küläs. Ezmäi sil oli toine nimi – ”Kolhozan radnikoiden hor”. Horan tegijan oli Karjalan arvostadud kul'turan radnik, arvostadud artist Ivan L’ovkin. Äi vozid hän kerazi karjalan rahvahan pajoid da starinoid, iče kirjuti častuškoid da runoid. Hän tezi karjalan, suoman da venän kelid. Horan repertuaras om enamb 400 pajod. Ned oma karjalan da venän kelel. L’ovkinal keratud material kaitas da ottas radho.
— Mö olem ihastusiš, miše horaha tuleba lapsed. Meiden horas om 15 last. Minä mugažo pajatin horas, konz olin lapsen. Minun kazvatajad ohjanziba horan siloi. Minä openzimoi Karjalan kolledžas i vodel 1998 tulin radmha horaha, sanui horan ohjandai Julia Jer’omina.
Horan pätegend om kaita da antta norembale pol’vele suren ”kuldaižen” pajofondan, miččen om keradanu Ivan L’ovkin. Nügüd’ horas om läz 30 mest. Ohjandab sen Julia Jer’omina.
