Petroskoissa uuvvissetah tervehyön polkuo

Tašavallan piämiehen Artur Parfenčikovin alottehešta uuvvissetah kulkijapolkuo, kumpani viey Fennoskandijan kuušeh. Töih ošallistuu kaupunkin yritykšien spesialistija. Šuunnitelmissa on lopettua ne uuvvenvuuvvenlomakši. Kuva: Jekaterina Pospelova

Petroskoin Zaozerskii-šuojelualovehella uuvvissetah tervehyön polkuo.

— Tašavallan piämiehen Artur Parfenčikovin alottehešta uuvvissetah kulkijapolkuo, kumpani viey Fennoskandijan kuušeh. Töih ošallistuu kaupunkin yritykšien spesialistija. Šuunnitelmissa on lopettua ne uuvvenvuuvvenlomakši, ilmottau Petroskoin kaupunkin hallinto poštaukšeššah Vkontaktešša.

— Entini porraššilta tuli kelpuamattomakši: lauvat lahottih ta laškeuvuttih. Lisäkši porraššilta oli liijan šuurella välillä muašta, mi oli tosi epämukava, kirjutti Petroskoin johtaja Inna Kolihmatova omalla tilillä Vkontaktešša.

Kuuši on tunnettu Fennoskandijan šuurimmakši. Puulla on yli 180 vuotta. Šen läpimitta on 1,5 metrie, a korkevuš on 28,5 metrie. Vuotena 2013 kuuši šai Elävän luonnon muistomerkin statussin Puut ollah elävän luonnon muistomerkit -ohjelman rajoissa.

Aihiešta voit lukie niise šuomekši.

Yhty Oman Median Telegram-kanalah!