Petroskoissa on alkan Nuoriso. Kehityšpistehet -konferenšši
Šyyškuun 11.—13. päivinä Petroskoissa ta Kižin šuarella pietäh tiitojenvälistä Nuoriso. Kehityšpistehet -konferenššie, kumpani yhistäy nuorison etuštajie, aktivistija ta yhteiskunnallisie vaikuttajie Venäjän šuomelais-ugrilaisilta alovehilta.
— Konferenšših ošallistuu noin 60 etuštajua šuomelais-ugrilaisilta alovehilta. Šitä vietetäh online- ta offline -muuvvošša. On šuunniteltu esittyä noin 30 šeloššušta Venäjän 12 alovehelta. Konferenššissa on sektijoissuntoja ta väittelyjä. Aiheina ollah “Nuorison rooli alovehien kehittämiseššä”, “Volont’oritoiminta nykyaikasen nuorison elämäntapana”, “Media. Joukkoviestimet. Journalistiikka”, kertou Itämerenšuomelaisien kanšojen liiga -kanšalaisjärješšön johtaja Anna Anhimova.
Nuoriso. Kehityšpistehet -konferenššie vietetäh Itämerenšuomelaisien kanšojen liigan Šuomelais-ugrilaiset nuorisoreitit -projektin rajoissa. Šitä toteutetah vuotena 2024 Karjalan tašavallan piämiehen granttišiätijön kannatukšella.
Aihiešta voit lukie niise vepšäkši ta šuomekši.
