Reissuloih on suadu subsiidii federuallizes da alovehellizes b’udžietoispäi. Sendäh rahvas voijah lähtie Sočih lendokonehel huogehembal hinnal – 3 180 rubl’ua yhteh čurah. Reissuloi pidäy Azimut-aviakompuanii nygyaigazil Suhoi Superdžet 100 -lendokonehil.
– Joga vuottu minä huogavun Ven’an suvilinnois, i ylen on hyvä, ku jälgivuozinnu voibi lähtie lendokonehel Sočih huogehel hinnal. Poujezdal moine matku rodieu äijiä kallehembi dai kestäy kolme päiviä, sanou petroskoilaine Natalja Rudakova.
Mustoitammo, ku pakkaskuun 5. päiväs algajen ruvetah pidämäh Petroskoi-Murmansk da Petroskoi-Kaliningruadu -reissuloi. Nämmih reissuloih sežo on suadu subsiidiet.