Karjal ottau käyttöh erilazii pidoloi erillizes voinuoperatsies olijoile da heijän perehile. Petroskois erillizes voinuoperatsies olijoin lapset voijah ajella ilmai trolleibusoil da autoubusoil noumeru 30.
Uuttu tugie on otettu käyttöh pakkaskuun 20. päiväs algajen. Sih nähte kirjuttau Petroskoin linnan piälikkö Inna Kolihmatova VKontaktas.
— Olemmo tarinnuh mostu tugie yhtes Linnantransportu -kundulaitoksen kel. Tugie taritah 7—18-vuodehizile petroskoilazile, sanou Kolihmatova.
Aijemba Oma Media kerdoi, ku petroskoilazet työttih erillizes voinuoperatsies olijoile yheksä vakkua liäkkehty, kudamien arvo on lähes 90 000 rubl’ua.
Karjalan eläjät ollah täh suate työtty karjalazile saldatoile erillizen voinuoperatsien alovehele enämbän 500 tonnua gumanitarnoidu abuu erillizen voinuoperatsien allus lähtijen.
Ližiä tieduo voit löydiä tiä.
Aihies voit lugie suomeksegi.