Petroskoin Yhteiskunnalline paluatan ruado on pandu rattahile
Karjalan urhomiehet -programmah kuulujat yhtytäh Enzimäzeh Petroskoin yhteiskunnallizeh paluattah.
— Perustammo moizen paluatan Petroskoih, kus on äijy yhteiskunnallistu yhtistysty — aktivistoil roitah parembat mahtot yhtistiä omat väit linnan kehittämizekse. Hyö alallizesti ruvetah šeikkuimah, midä kuuluu Petroskoil, kui linnu eläy da ongo se čoma kaččuo, hyö tozidielol suajah vaikuttua linnan elaigah, kirjuttau Karjalan piämies Artur Parfenčikov omal VK-sivul.
Komissii, kudai ottau vastah da kaččelou pyrgevyksii Yhteiskunnallizeh paluattah, nevvoi hyväksymizekse 15 hengie. Heijän joukos ongi Erillizen voinuoperatsien veteruanoi, kudamat kuulutah Karjalan urhomiehet -programmah. Net miehet ollah Erillizen voinuoperatsien assotsiatsien edustai Vasilii Borovinskih da Ven’an nuorižoliiton Karjalan ozastoh kuului Daniil Kaminskii.
Artur Parfenčikov hyvitteli miehii da kiitti heidy aktiivižuos, toivotti mieldykiinnittäjiä luomisruaduo oman linnan da sen eläjien hyväkse.
Yhty Oman Median kanualah Telegramas!
