Petroskoin voinukunnivon kohtat turistoile nägövih
Yandex-kartoil rodieu uuzii turistutaival — Ižänmuallizen voinan histourieh vihjuajat Petroskoin mustokohtat. Projektu on Petroskoin haldivon da Petroskoin voinukunnivon keskuksen yhtehizen ruavon tulos. Voinukunnivon keskuksen piälikkö Jelizaveta Vasiljeva Petroskoin linnan haldivos kerdoi turistualan ruadajile projektah nähte.
— Erähät turistat ihan nareko pietäh meijän linnua vaigu välikohtannu. Yhtelläh Petroskoi on rikas histourii da se ičessäh voibi kiinnittiä turistoin mieldy. Linnal on midä ylbeillä, myö tarkah vardoičemmo mustuo meijän linnalazien rohkevuos da lujuos, kirjutti omassah Vk-sivul Petroskoin linnan piälikkö Inna Kolihmatova.
Projektan hantuzis on luajittu video, kudai kerdou linnan voinanhistourieh nähte.
Uudeh turistutaibaleheh kuuluu 14 kohtua. Yandex-kartoil voibi lugie lyhyöt tiijot jogahizes voinan mustokohtas. Turistutaivaldu voibi kaččuo täs.
Aihies voit lugie suomeksegi.
Yhty Oman Median kanualah Telegramas!
