Petroskoin universitetas zavodihe “Pirdam ”Kalevala”-eposan runoiden süžetoid”-konkurs
Petroskoin valdkundaližes universitetas zavodihe sädairadoiden konkurs “Pirdam “Kalevala” -eposan runoiden süžetoid”. Pirdatused ottas keväz’kun 31. päivhäsai. Ühtnemaha kuctas universitetan üläopenikoid, magistraturan, ordinaturan da aspiranturan openikoid.
— Konkursan radod voib tehta miččes taht tehnikas. Kaikuččes nominacijas ühtnikalpäi ottas ei enamba koumed radod. Pirdatuz ei voi olda penemb A5-formatad, sanuba konkursan tegijad Petroskoin valdkundaližen universitetan saital.
Konkursas om kaks’ nominacijad: “Epižen gerojan modkuva” da “Runon kuva”.
Žürijouk arvostab pirdatusen idejad, südäimištod, mastarut da mugažo kacub kuvastab-ik rad rahvahališt tematikad.
Konkursan ühthevedoiden jäl’ghe linneb tehtud radoiden ozuteluz universitetan päsauvotuses.
Uzištoid neciš temas voib lugeda mugažo karjalaks, suomeks da venäks.
